هل السفر برا بالسيارة من دمشق الى بيروت والعكس آمن ومافيه مشاكل .. خصوصا للسعوديين .. وهل من نصائح بهذا الخصوص ... وكم مدة الرحله بالسيارة وكم التكلفه لسيارة نظيفة وسائق ...
الإجابة
السفر من دمشق لبيروت بالسيارة بالنسبة للسعوديين وللغير السعودين ( عدا السورين ) هو أمن جدا .
بالنسبة للمواصلات .
في منطقة اسمها ( المزة ) وتقدر تروح لها من خلال ساحة الأمويين . أخر طريق المزة تمشي تقريبا 3 كم لمنطقة اسمها ( السومرية ) فيها ( كراج السومرية ) وهو مركز انطلاق الرحلات إلى ( بيروت + عمان في الأدرن ) .
من وسط دمشق لكراج السومرية المفروض التكسي ما ياخد أكثر من 100 ليرة .
في كراج السومرية تروح المكان المخصص لكراج بيروت والأردن , نظام النقل في السيارات كالتالي :
صاحب السيارة يطلع معه 5 ركاب . كل راكب يدفع 700 ليرة .
او تاخد السيارة لوحدك وتدفع 3500 ليرة سورية .
بالنهاية ممكن تكلفك الرحلة لحدود 100 دولار أميركي مع إكرامية السائق ( ما بعرف ليش بيطلبوها )
100 دولار أميركي = 4600 ليرة سوري .
مدة السفر ساعتين من دمشق لبيروت .
أنواع السيارات يلي تروح بيروت تقريبا متشابهة ( كابريس _ فورد _ مرسيدس ) .
ما بعرف اذا مسموح انصحك بسائق معين او لأ او اذا اقدر احط رقمه .
بشكل عام طريقة السفر من دمشق لبيروت سهلة وأمنة